السبت، 6 نوفمبر، 2010

الملوخية الناشفة




الملوخية المصرية طبعا غنية عن التعريف الملوخية المصرية لها طريقتين
الطريقة الاول وهي الملوخية الناشفة لان المصريين في وقت حصاد نبات الملوخية بتكون ثمنها رخيص جدا
المصريين بياخدوها وينشوفوها ويطحنوها لحد ما تصبح زي البودرة ويخزنوها زي البصل والثوم ممكن تفضل سنه كاملة كده
هاشرح دلوقت طريقة عمل الملوخية الناشفة
المقادير
**********
1*ربع كيلو ملوخية ناشفة او على حسب انتم بتحبوها ثقيلة او خفيفة لو كانت خشنة افركوها كويس لحد ما تصبح ناعمة
2*3 كباية شوربة فراخ
3*1حبة طماطم واحدة
4*4 فصوص ثوم
5*كسبرة ناشفة
6*معلقة سمن
***********
الطريقة سهل جدا
1*نحط الشوربة في حلة صغيرة او قدر صغير ونخليها تغلي وبعدي نضيف الملوخية الناشفة عليها ونسيبهم يغلوا مع بعض على نار هادية لحد ما يوصلو للقوام الي انتم تحبوه ونشيلها من على النار دلوقت
2*ندق الثوم مع الكسبرة الناشفة لحد ما يصبح ناعم
3*نجيب مقلاة ونحط السمن بتاعنا ونحط الثوم والكسبرة ونحمرهم في السمن مع حبة الطماعم المقطة قطع صغيرة جدا ونقلبهم كويس لحد ما يتسبكوا كويس وبعدين نحطهم على الملوخية والشوربهم نغطيهم شوية
ممكن نقدمها مع الفراخ المحمرة بتكون جميلة جدا والمصريين يحبوها بالارانب وبتكون جميلة جدا برضه او باللحم كلهم نفس الطريقة لكن الشوربة تتغير لنوع اللحم بس
بالهنا والشفا



اهم واجمل الاكلات العربية-المطبخ المصري-المطبخ العربي-اجمل الأكلات المصرية - اجمل الأكلات العربية-أنواع المقبلات العربية-أنواع الشوربة العربية-طريقة صنع المخللات-اجمل الأكلات الغربية/الحلويات العربية-الحلويات الغربية-الكباب المصري- الكبسة السعودية- ديك محشي - لحم مشوي- حمام محشي - المسقعة - الملوخية بالارانب- خروف مشوي- اكل مغربي- اكل خليجي- سمك مقلي- سمك مشوي - اكل صيني - اكل هندي- اكل اوروبي - اكل ياباني- حلويات- جمبري - كابوريا - استاكوزا- كابوريا